Footer

Baket, dinungpar ti nakamotorsiklo a Bombay

SAN ESTEBAN, Ilocos Sur – Agpada a nasugatan ti nadungpar ken ti dimmungpar iti aksidente a napasamak iti Barangay Poblacion ditoy nga ili.

Nainaganan ti biktima a ni Thelma Caceres, residente iti nadakamat a lugar idinto a managan Singh Amadeep, 19, residente iti San Jose Candon City, ti Bombay a nakadungpar kenkuana.

Naammuan iti report nga agdaldaliasat iti national highway ti Bombay a nakalugan iti motorsiklona a Honda Wave, addaan plaka AB-6046 idi bumallasiw ni Caceres a puon ti nakadungparan ni Amadeep kenkuana.

Naitaray dagiti dua iti ospital. Nakaro met ti dadael ti lugan ti Bombay.#