Footer

Electric jeep, inted ni Cong. Ronald Singson para iti Vigan City

VIGAN CITY – Dua a lugan nga agaramat iti elektrisidad ti inted ni Congressman Ronald Singson para iti siudad ti Vigan.

Kinuna ni Mayor Eva Marie S. Medina a planoda a mausar dagiti dyip para serbisio dagiti senior citizens ken ti tourism council a pagipasiar kadagiti turista iti aglawlaw ti plasa nangruna iti aldaw ti Sabado ken Domingo nga awan ti aglasat a lugan ditoy.

Plano pay ti siudad a mai-tie-up dagiti electric jeep a pangsukon kadagiti turista a mapan aglugan iti banka iti Barangay Beddeng Laud para iti Mestizo river cruise.

Agpateg dagiti dyip iti P1.3 milion ken addaan iti 14 a seating capacity.#

Comments are closed.