Footer

Nakalukat ti ridaw no agsubli ni Mark – Mayor Purisima

SAN ILDEFONSO, Ilocos Sur – Nakalukat ti ridawda no agsubli ti kabsatda iti nagan ti rekonsiliasion ken panagmaymaysa ti pamilia, daytoy ti imbatad ni Mayor Christian Purisima bayat ti interbio kenkuana dagiti reporters ti DWRS iti programa ni Jun Ramos a Barangay Commando-Brigada itay Disiembre 5.

Sakbayna, naipatangatang iti met laeng nasao a programa ti interbio ken ni Atty. Mark Purisima, kabsat ti mayor ken agkandidato manen a para mayor iti daytoy nga ili a nangibatadanna a saanna a maawat ti offer dagiti kakabsatna agsipud ta “politically motivated ken adda kondisionna.”

Bayat ti interbiona, impalgak ti mayor nga isu ti pinili dagiti dadakkelna “kas ama ken ina ti partido, saan nga ama ken ina ti pamilia” nga agkandidato para mayor, saan a ni manongna a Mark,” a kunana a puon ti pagsaksakitan (ngata) ti nakem ti kabsatna.

Kinuna ni Mayor Purisima a nagdesidir dagiti nagannak kadakuada kas “ama ken ina ti partido, saan a kas ama ken ina iti pamilia” nga isu ti agkandidato a para mayor iti San Ildefonso a saan ketdi a ni Mark nga inauna iti nasurok a sangapulo a tawen ngem isuna.

“Saanna a kayat a sawen a they love me more than Mark,” kinuna ti mayor sana innayon a a dagiti nagannak ket they have to make a “hard decision kas party leaders, saan a kas parents”… gapu ta “they knew a para iti interes iti partido ken iti ili…” ti panangpilida kenkuana a kandidato.

Kinuna ni Mayor Purisima nga iyawatda amin a suportda iti kabsatda iti nagan ti rekonsiliasion no akseptaren ti kabsatna a Mark ti “awis ti pamilia, ti awis ti grupo” nga agsubli, sana inyunay-anay a ti “saan nga acceptable ti pannakadibidir ti pamilia, ipilitna latta nga agkandidato nga is-suna, dagiti grupona laeng…”

…No agsubli iti pamilia, no agsubli iti grupo, isunan ti para mayor, ni Tito (Purisima) a nag-file a para mayor, willing nga agpababa iti bise mayor no ipalubos ti linteg wenno willing nga ag-withdraw no isu ti masapul, ket ti kandidatotayo a para bise mayor, agkandidato laengen a para konsehal no ipalubos ti linteg wenno ag-withdraw,” kinuna ti mayor idinto nga innayonna a “willing pay nga ag-withdraw” amin a sangguniang bayan members for the sake of unity”.

Binabalaw pay ni Mayor Purisima dagiti kandidato iti partido ti kabsatna a dati a sangguniang bayan members gapu iti mapapati a “panangipilitda” nga agkandidato manen ti kabsatda ken nakapanunotan daytoy a saanen a makikaysa ken agkandidato.

Kinuna ti mayor a pabor kadagitoy tallo a dati konsehal a madibidir ti pamiliada tapno adda lugananda.

“No awan ti lugan, awan ti biahe. No awan ti biahe, awan ti lumugan,” impalagip pay ti mayor.

Kinuna pay ti mayor nga ited dagiti kandidato para konsehal iti partidoda amin a suportada iti kabsatna no irekonsidera daytoy ti pagtaktakderanna.#

Comments are closed.