Footer

Tricycle driver, napaltogan, natay

STA CRUZ, Ilocos Sur- Saanen a naiyabut iti ospital ti biag ti maysa a lalaki kalpasan a napaltogan iti sango ti maysa a botika iti Barangay Gabur Norte ditoy nga ili.

Segun iti report pinaltogan ti dua a lalaki ni Orlando Figuracion,50, naasawaan, residente iti nadakamat a barangay iti sango ti La Botika Sylvan.

Nakarekobre dagiti polis iti lima a kapsula manipud iti Cal.45 iti nakapasamakan ti krimen.

Naglibas dagiti suspetsa babaen ti motorsiklo.

Di pay ammo ti motibo ti pammapatay.#

Comments are closed.