Footer

3 mangngalap, natiliwda gapu iti panagkompresorda

NARVACAN, Ilocos Sur – Tallo a mangngalap a taga-Lingsat, Santa Maria, Ilocos Sur ti tiniliw dagiti bumarangay ditoy gapu iti mapapati nga illegal a panagkalapda iti fish sanctuary idiay barangay Sulvec, itoy nga ili.

Nainaganan dagiti suspek a da Ronald Daproza, 30, Mevan Daproza, 30, ken Nemesio Santiago, 19, agpapada nga agnaed iti Barangay Lingsat, Santa Maria, Ilocos Sur.

Iti inisial nga inbestigasion, nasaripatpatan dagiti barangay tanod dagiti nasao a suspek nga agkalkalap iti nasao a lugar ket insigida nga impulongda ken ni Barangay Kapitan Mario Cabasal a dagus met a timmawag iti polis. Dagus a nagresponde dagiti polis ket tiniliwda dagiti suspek nga agkalkalap iti fish sanctuary.

Pakairamanan kadagiti nakumpiska kadagiti suspek ti kompresor.#

Comments are closed.