Footer

3 nadunor iti aksidente

BANTAY, Ilocos Sur- Tallo a tattao ti nadunor iti aksidente a napasamak iti Barangay Aggay ditoy nga ili.

Natukkol ti kanawan nga abaga ni Arnel Vega, 38, naasawaan, agnaed iti Rizal Street, Vigan City, natukkol met ti kanigid a luppona ti kinalugan ni Vega a managan Sheryl ken nadunor met ni Efren Benesa, 22, baro, agnaed iti Barangay Paing, Bantay, Ilocos Sur.

Segun iti report mapapati nga obertekan koma ti Honda Wave a minaneho ni Benesa ti lugan iti sanguanan ket kimmaut iti linia ti Honda Dio a minaneho ni Vega ket nagdinnungpardan.

Naitaray dagiti tallo iti Metro Vigan Cooperative Hospital.#

Comments are closed.