Footer

2 paltog, insuko ti barangay captain

SINAIT, Ilocos Sur Dua a paltog a mapapati a naited kadagiti barangay tanod ti insuko ti maysa a barangay captain iti sangguniang bayan ditoy itay nabiit.

Insuko ni Barangay Captain ti Namnama Chita Quijano iti sangguniang bayan ditoy ti dua a shotgun a naalana iti dua a tanod iti barangayna a mapapati a baklay dagitoy bayat ti panagrondada iti rabii.

In-turn-over da Vice Mayor Edgar Yabes dagiti paltog iti polis.

Segun iti report, mapapati nga inannugot dagiti barangay tanod nga inted ti mayor dagiti nasao a paltog.

Nupay kasta, pinaglibakan ni Mayor Marlon Ines nga intedna dagiti paltog kadagiti nasao a tanod.

Kinuna met ti hepe ti polis ditoy nga awan ti makasuan agsipud ta naisuko dagiti nasao a paltog.#

Comments are closed.