Footer

Maika-3 a Kannawidan Festival, maselebraran

VIGAN CITY – Nakasaganan dagiti nadumaduma nga aktibidad iti selebrasion ti maikatlo a Kannawidan Festival kagiddan ti panangrambak ti probinsia iti maika-182 nga anibersario ti panagwaywayasna a kas probinsia.

Daytoy ti naammuan itay nabiit kalpasan ti panagtataripnong dagiti mangidaulo iti agduduma a komite a nabuangay a mangimaton iti  Kannawidan Festival ken selebrasion iti panagwaywayas ti Ilocos Sur a kas probinsia.

Dagiti sumaganad dagiti tampok nga aktibidad iti makalawas a selebrasion:

Enero 28:  Misa Conselebrada a maangay iti malem  iti St. Paul Metropolitan Cathedral iti siudad ti Vigan a sarunuen ti maysa libut nga agrikus iti sentro ti siudad. Iti karabianna, maangay ti Talent Night ti Saniata ti Ilocos Sur, maysa a salip iti laing ken pintas dagiti babbalasang nga Ilokana.

Enero 29 – Partuat ken Patanor Trade Fair; konsierto ti banda a True Faith, Rada ken ni Lovi Poe

Enero 30 – Delphic games a pakaipakitaan ti laing iti craft demo, visual ken panagdisenio; pannakapadayaw dagiti nabatbati pay nga agar-aramid kadagiti mapukpukawen a produkto iti probinsia (Living Treasures);panagpabuya ti Bayanihan Dance Company

Enero 31-lumba ti kabalio; Pammadayaw ken Panangbigbig  (Fr. Jose Burgos Awards); konsierto ni Sarah Geronimo

Pebrero 1 – Culture and Arts Competition; Recognition and Awarding of SIGLAT Awards; Saniata ti Ilocos Sur Pageant

Pebrero 2 – Agduduma a salip para kadagiti estudiante kas iti Quiz bee, on the spot painting ken Iloco poem writing; Kannawidan a pay-ayam; Sarsuela Ilocana; Bingo Game

Pebrero 3 – Battle of the Band

Comments are closed.