Footer

Naireport a mapukpukaw a motorsiklo, narekobre

VIGAN CITY – Narekobre met laeng ti motorsiklo a naireport a natakaw iti sanguanan  ti maysa a pagadalan idi Enero 20 ditoy.

Impakaammo dagiti guardia a nakitada ti motorsiklo a naiparking iti pagparkingan iti uneg ti  University of Northern Philippines ket impakaammoda a dagus ken ni Jocelyn Lopez, estudiante, residente iti Barangay Arnap, Sto. Domingo, Ilocos Sur.

Sakbayna, impulong ni Lopez nga imparkingna ti luganna iti sango ti UNP idi mapan agbasa ngem idi agsubli, awan metten ti luganna.

Suspetsa dagiti otoridad nga adda nangsutil ken ni Lopez babaen ti panangiyalisda iti nakaiparkingan ti luganna.#