Footer

Panagbenga Festival, kasayaatan iti pagilian

BAGUIO CITY – Ti Panagbenga Festival ti kasayaatan a parambak iti intero a pagilian, segun iti Department of Tourism.

Kinuna ni Department of Tourism Undersecretary Oscar Palabyab, a naibatay ti pannakapili ti Panagbenga (Baguio Flower Festival) iti kaadu dagiti partisipante ken iti kalidad dagiti mabuya bayat ti festival.

Malaksid kadagiti float a naarkosan iti sabsabong a patanor ditoy ken kaparangetna, addaan kalidad dagiti maipabuya a salsala, nangruna ti streetdancing competition a pagtultuladan dagiti agtuturay nga ipabuyada iti bukodda a festival iti lugarda.

Ang-angayen ti Baguio City ti Panagbenga iti bulan ti Pebrero.#