Footer

Cabugao, Kasiglatan Awardee

VIGAN CITY – Inyalat ti Cabugao ti Kasiglatan Award iti Salisal Iladawanna’t Gaget ti Lumugar Agsaknap Ti Timpuyog (SIGLAT). Daytoy ket kalpasan nga inyalat ti ili ti lima a major awards a pakairamanan ti Best in Fish Production ken Best implementer of Coastal Resource Management (Dardarat); Best Brgy. Innovative Practice ken Most Child Friendly Barangay (Pug-os) ken Best Implementer of Nutrition Program (Bonifacio) ken uppat a minor awards para iti Best in Tourism promotion, Best in Gender and Development Implementation, Best Barangay Intensive Gardening ken Best Barangay Herbary (Pug-os).

Nagpuesto iti maikadua ti siudad ti Candon a nakaiyawatan ti Safest and Most Peaceful Barangay (San Andres), Best Performing Barangay ken Most Functional Barangay, Anti-Drug Council (Calaoaan), Outstanding Sangguniang Kabataan (SK-Tamurong Segundo), Best in Sports and Physical Development (Tamorong Segundo), Outstanding Barangay Tanod ken Most Functional Barangay Disaster Coordinating Council (Salvador Primero), Best Performing Barangay Based Cooperative (Metro Paypayad MPC-Paypayad), ken Outstanding Day Care Worker ni Celia Peralta (Tablac).

Nagtatabla met para iti maikatlo a gunggona ti ili ti Tagudin, Suyo ken Quirino.

Nagun-od ti Tagudin ti Best in Agricultural Productivity (Lacong), Best Implementer in Elderly Welfare Program (Brgy. Quirino), ken Outstanding Brgy. Based Micro SME Entrepeneur ni Danilo Sevilla (Bimmanga); ti Suyo iti Best in Solid Waste Management (Brgy. Cabugao) ken Best in Youth Development Program Implementation ( Ursadan); ken Quirino iti Best in Culture and Arts (Banoen) ken Best in Livestock Production (Namitpit).

Dagiti dadduma pay a nangabak: Cleanest and Greenest Barangay (Subec, Sta. Catalina); Best Managed Elem. School in a Barangay (Pudoc, San Vicente); Most Healthy Barangay (Nalasin, Sto. Domingo); Best Tree Park (Poblacion, Norte, Gregorio del Pilar); Best Day Care Center (San Isidro, Bantay); Most Functional Botika ng Barangay (Maratudo, Magsingal); Outstanding Farmers Association (Tribal Farmers Association-Suysuyan, Lidlidda); Best in Organic Farming (Poblacion Sur, Lidlidda); Outstanding Sangguniang Barangay (Bannuar, San Juan); Best Performing NGO (RIC of Balidbid, Salcedo); Outstanding Lupong Tagapamayapa 1st to 3rd class municipality (Bannuar, San Juan) 4th to 6th class municipality (Dalawa, Alilem); Outstanding Nutrition Scholar (Perla Tabalina-Nalasin, Sto. Domingo); Outstanding Health Worker (Rosalina Lira-Pagsanaan Sur, Magsingal); ken Outstanding Punong Barangay (Josie Rapacon-Bannuar, San Juan).

Immawat ti Cabugao iti P150,000 kas premio idinto a P100,000 ti inyawid ti Candon City ken sag P50,000 ti Tagudin, Suyo ken Quirino idinto a P50,000 ti inawat dagiti barangay a nangiyalat iti major awards, P30,000 kadagiti minor awards ken P10,000 kadagiti individual awards.#