Footer

Babai a motorista, nasugatan iti pannungpar

CANDON CITY – Maysa a babai a motorista ti nayospital kalpasan a nakidinnungpar ti motorsiklona iti maysa a kotse iti Barangay San Antonio ditoy siudad.

Segun iti report ti polis ditoy, sumrek koma iti national highway ti Mitsubishi Montero, addaan plaka AEW-286, a minaneho ni Candonino Gazmen, residente iti San Jose, ditoy siudad ngem simmungad ti ti agpaabagayan a Euro 100 a minaneho ni Janet Elegado ket nagdinnungpar dagiti dua a lugan.

Naitaray ni Elegado iti ospital. Nagsagrap iti pannakadadael dagiti lugan.#

Comments are closed.