Footer

KOMENTARIO: Politika ditoy pagilian, pampamilia (Tuloyna)

Uray dagiti agngayangay a para senador ket adda ama, kabsat, kasinsinda ken asideg a kabagianda a nagbalin a teddek ti politika iti napalabas ken uray iti agdama.

-Rozzano Rufino Biazon: amana ni Sen. Rodolfo Biazon

-Ramon “Bong” Revilla, Jr. : nag-senador daydi Ramon Revilla, Sr. nga amana.

-Pia Cayetano: kabsatna ni Senador Alan Peter Cayetano ken ipagna ni Taguig Cong. Ma. Laarni Cayetano (asawa ni Sen. Cayetano).

-Joey de Venecia: amana ni dati a House Speaker Jose de Venecia

-Miriam Defensor Santiago:

kasinsinna da Quezon City Rep. Matias Defensor ken Iloilo Rep. Arthur Defensor, anakna ni Alliance of People’s Concerns Rep. Narciso Santiago III.

-Juan Ponce Enrile: manugangna ni Cagayan Rep. Salvacion Ponce.

-Jinggoy Estrada: amana ni dati a Pres. Joseph Estrada, inana ni dati a Senador Loi Ejercito; kabsatna ni JV Ejercito a mayor ti San Juan City.

-Teofisto Guingona III: amana ni nag-senador ken nag-bise presidente Teofisto Guingona, Jr.

-Lito Lapid: anakna ni Manuel Lapid, naggobernador iti Pampanga.

Ferdinand “Bongbong” Marcos: amana daydi nag-Presidente Ferdinand Marcos, Jr., kabsatna ni nag-Cong. ti Ilocos Norte Imee Marcos-Manotoc, ulitegna ni Ilocos Norte Gov. Michael Marcos Keon

-Ramon Mitra: amana ni nag-House Speaker Ramon Mitra

-Susan Ople: anak ni nag-Senador Blas Ople.

-Lito Osmena : apo daydi nag-Presidente Sergio Osmena ken inaudi a kabsat ni dati a Senador John Henry Osmena

-Sergio Osmeña III: anak daydi dati a senador Sergio Osmeña, Jr.

-Gwendolyn Pimentel: anak ni Sen. Aquilino Pimentel, kabsatna ni Aquilino “Koko” Pimentel III, a nagkandidato a para senador.

-Rodolfo Plaza: kameng ti pamilia ti nabileg a politiko iti Agusan a pakairamanan da Democrito Plaza, Sr. ken Jr., Charito Plaza, Valentina Plaza, Maria Valentina Plaza Cornelio ken dadduma pay.

-Ralph Recto: lolona daydi nag-Senador Claro M. Recto, amana ni Atty. Rafael Recto, nag-Assemblyman iti Batasang Pambansa, asawana ni Gov. Vilma Santos; kabsatna ni dati a Batangas Vice Gov. Ricky Recto.

-Gilbert Remulla: amana ni nag-Gov. Juanito Remulla,

-Sonia Roco: asawana daydi nag-Senador Raul Roco.

Vicente Sotto III: apo ken grandnephew da nag-Senador Vicente Yap Sotto ken Filemon Sotto.

Dagiti laeng kandidato para senador dagitoy. Kastoy met laeng a situasion dagiti nakatugaw a senador a saan pay nga agpailayon ta dida pay naungpot ti terminoda. Karaman ditoy da Sen. Edgardo Angara, Francis Escudero, Aquilino Pimentel, Peter Allan Cayetano ken ti kabsatna a ni Pia Cayetano, Juan Miguel Zubiri ken dadduma pay.

Ita, saludsodentayo: ania ti adda iti politika ditoy pagilian ta kasla tagapulot nga araken dagiti agkakapamilia ken agkakabagian? No ania ti sungbatmo, dayta metten ti sungbatko, kabsat!

Comments are closed.