Footer

Pamulinawen Festival, naluktan

LAOAG CITY – Naluktan ti Pamulinawen Festival ditoy babaen ti civic military parade a nakipartisiparan dagiti opisial, empleado, ken dagiti nadumaduma a sektor ken maysa a music and dance extravaganza a naangay iti rabii.

Malaksid iti Zarzuela Ilocana, traditional games, Kaya ni Lolo, Kaya ni Lola ken dadduma pay nga aktibidad, maisayangkat pay ti Dulang Food Festival, Kalesa Festival inton Peb. 8, ti Pamulinawen Grand Parade inton Peb. 9, ken ti Miss Laoag City Pamulinawen International Quest 2010 Pageant Night inton Peb. 10.

Makabulan ti selebrasion ti Pamulinawen Festival ditoy siudad.#.