Footer

Plantasion ti marihuana, naraut

CERVANTES, Ilocos Sur – Aganay a P60 milion ti pateg dagiti mula a marihuana a pinarut ken pinuoran dagiti rimmaut a polis iti dua a sitio ti Barangay Dinwende East ditoy nga ili itay nabiit.

Nasurok a 288,000 a narukbos a marihuana ken 40,000 a seedlings a mapattapatta nga agpateg iti P59 milion ti pinarut ken pinuoran ti raiding team a pakairamanan ti Provincial Anti-Illegal Drugs Operations Group, Ilocos Sur Provincial Public Safety Management Company, Philippine Drug Enforcement Agency Ilocos Sur, ken polis Cervantes.

Nangipababa dagiti rimmaut iti sumagmamano a pug-os ti marihuana kas ebidensia.#