Footer

Polis nga illegal nga agikut iti armas bayat ti gun ban, binallaagan ti PNP regional director

SAN FERNANDO CITY – Binallaagan ti PNP regional director ditoy a maisubli dagiti polis a mapan ag-training no matiliwanda nga illegal nga agikut iti armas bayat ti implementasion ti gun ban kas panagtungpal iti pammilin ti Commission on Elections ken ti Philippine National Police para iti nadalus, natalna ken naurnos nga eleksion inton Mayo.

Agdagupen iti 43 dagiti inaresto dagiti polis ditoy rehion gapu iti panagsalungasingda iti gun ban manipud idi nagepekto daytoy idi Enero 10.

Segun ken ni Police Chief Supt. Constante Azares, Jr., Police Regional Office director, nakakumpiskadan manipud kadagiti nagsalungasing iti gun ban iti 43 a high ken low-powered nga armas kas sumaganad: 20 a tattao iti Pangasinan, 10 manipud iti La Union, 7 manipud iti Ilocos Sur ken 6 manipud iti Ilocos Norte.

Kadagiti nagsalungasing iti gun ban, karaman ti sumagmamano a polis, guardia iti pagbaludan, maysa nga ahente ti National Bureau of Investigation, barangay kagawad ken tanod ngem kaaduanna dagiti sibilian.

Kinuna pay ni Azares a nakakumpiskada iti aganay 637 a replika dagiti paltog iti nadumaduma a paset ti rehion.

Imbilin ni Azares ti panangipakat dagiti kapolisan kadagiti checkpoints kadagiti strategic a lugar iti hurisdiksionda.#

Comments are closed.