Footer

USDVA, agingga laengen iti Peb. 16 nga aggawat iti aplikasion dagiti beterano ti WWII para iti maminsan laeng a benepisio

Adda laengen makadomingo dagiti amin a Beterano ti Maikadua a Gubat ti Lubong tapno agaplay iti maminsan laeng a benepisio.

(Amin nga aplikasion ket masapul a maala ti USDVA Office no February 16, 2010)

Kayat nga ipakaammo ti U.S. Department of Veterans Affairs kadakayo a beterano ti maikadua a gerra nga aginggana laengen iti Pebrero 16, 2010 ti maudi nga aldaw nga awatenda dagiti aplikasion tapno maalayo ti maminsan laeng a benepisio. Maited daytoy a benepisio kadagiti amin a kualipikado a beterano manipud idi naipasa iti US Congress daydiay ARRA ken manipud idi napirmaan ni Pres. Obama idi Pebrero 2009 tapno maapresiar ti serbisio dagiti amin a kualipikado a betereno.

Daytoy maminsan laeng a benepisio ket mabalin laeng kadakayo a kualipikado a beterano ken balo ti beterano a nagsumite iti aplikasion sakbay a natay ti beterano. Amin nga aplikasion ket darasenda nga iproseso tapno maawat nga insigida.

Manipud idi Disiembre 29, nakaaprub ti USDVA iti 11,300 nga aplikasion manipud kadagiti kualipikado a Filipino WWII veterans wenno balo ti beterano; dagitoy kualipikado a Filipino WWII veterans wenno balo ket nabayadan ti sumurok-kumurang a P6.4 billion. Kagudua ti nabayadan ket napan iti Filipino WWII veterans nga addaan American citizenship. Kagudua ket naited iti Filipino WW II veterans a saan a US Citizen.

Amin a beterano a saan a sigurado no kualipikado ket ay-ayaban nga agaplay sakbay ti maudi nga aldaw uray agkurang dagiti papelesda, importante laeng ti pirmado nga aplikasion. No masapul ti dadduma pay a dokumento, agilakad iti USDVA tapno maala dagiti impormasion a masapul. Suratan ti agap-aplay ti USDVA a beterano tapno dumawat ti masapul a dokumento

Awan ti “master list” iti kualipikado a beterano para daytoy a baro ken maminsan laeng a benepisio. Amin nga aplikasion ket maiproseso tunggal maysa. Amin a beterano a mariknada nga isuda ket kualipikado ket mabalin nga agaplay. Ti proseso iti aplikasion ket libre ken alisto, saan a masapul nga agbayad tapno maiproseso ti aplikasion. No ibusonyo dagiti aplikasion, siguraduenyo laeng a maawat ti USDVA sakbay ti Pebrero 16, 2010.

Mabalin met a personalyo nga isumite iti opisina ti USDVA, US EMBASSY MANILA. Mabalinyo a tawagan ti USDVA iti numberda idiay Manila a (632) 528-2500 wenno no addakayo idiay probinsia, iti toll free a numero ti usaren 1-800-1888-5252 tapno makaala iti additional nga impormasion. Haan a masapul nga agpaappointment tapno isumite ti aplikasion.

Adda outreach a maaramid idiay Davao City no February 11, 2010, 8:00 am to 2:00 Ramon Magsaysay Park, Leon Garcia St., City of Davao.

Amin a beterano a nagaplay ken nagsumite iti aplikasion ket makaawat ti acknowledgement receipt manipud ti USDVA.#