Footer

Van owners, nagkiddaw iti parking space iti city government

VIGAN CITY – Nagkiddaw dagiti van owners iti city government ditoy a maikkanda iti pagparkingan ditoy siudad tapno makaalada iti prangkisa nga agbiahe manipud daytoy a siudad agingga iti sumagmamano a destinasion iti umabagatan ti probinsia.

Adda aplikasion dagiti van owners iti prangkisa nga agrota iti Vigan-Burgos, Vigan-Santa Maria ken Vigan-Tagudin ken vice versa.

Naipaima ti kiddaw dagiti van owners iti opisina ni Mayor Eva Marie S. Medina ket impaima met daytoy iti sangguniang panlungsod ditoy para iti pannakaksionna aksionna.

Kinuna ni Vice Mayor Franz Ranches a maikonsulta ti kiddaw dagiti van owners kadagiti maseknan a sektor ken mapaayaban dagitoy tapno maammuan no ania ti specific a rota nga inaplayanda ken kasano ti operasion dagitoy van services.#