Footer

Agpaspasada iti traysikel, napaltogan

TAGUDIN, Ilocos Sur – Maysa a tricycle driver ti pinaltogan dagiti dua a lalaki a nakamotorsiklo iti agsapa ti Pebrero 7 iti Barangay Bio ditoy nga ili.

Natay bayat ti pannakaagasna iti ospital ni Joseph Corpuz, 38, agnaed iti Barangay Del Pilar ditoy nga ili gapu iti sugatna iti nadumaduma a paset ti bagina.

Segun iti report, pinaltogan dagiti suspek a nakalugan iti single motor ni Corpuz bayat nga agur-uray iti pasaherona iti igid ti national highway ti nasao a barangay.

Naitaray ni Corpuz iti Tagudin General Hospital sa naiyalis iti San Fernando City ngem pimmusay iti nasao nga ospital.

Nakarekobre dagiti polis iti tallo a kapsula manipud iti cal. 45 iti nakapasamakan ti krimen.#

Comments are closed.