Footer

Bingay iti excise tax ti burley a tabako, ma-monetize

VIGAN CITY – Kas iti Birhinia a tabako, maipakuarta met ti excise tax a bingay dagiti agmulmula iti burley a tabako.

Kinuna ni Vice Gov. Jerry Singson a ma-monetize met ti saan pay a naited a bingay dagiti probinsia nga agmulmula iti burley a tabako tapno maalada metten ti apagda.

Nupay kasta, kinuna ni Singson a 10% laeng ti bingay ti Ilocos Sur gapu ta bassit laeng ti produksionna iti burley a tabako.

Dagiti probinsia ti Abra, Ilocos Norte, La Union dagiti kadakkelan iti produksion iti burley a tabako.#