Footer

GROs, miniting ti city health office

CANDON CITY – Miniting ti city health office ditoy dagiti guest relation officers nga agtratrabaho kadagiti beerhouses tapno mabagbagaan ken mapalagipanda mainaig iti sexually transmitted diseases (STD).

“Limmobo ti HIV cases iti sangalubongan, ket ammotayo ditoy Candon nga adda red houses, gapuna a masapul a mapalagipan dagiti GROs,” kinuna ni Dr. Narciso Ramos, city health officer ditoy.

Kinuna ti doktor a mamindua iti makabulan a matsek-up dagiti GROs tapno masiguro nga awan ti sakitda nga STD.

Innayonna a namiting dagitoy tapno maipasagepsep kadakuada ti risgo ti trabahoda ken iti obligasionda tapno dida agiyakar no adda sakitda nga STD.#