Footer

Agannad iti aglaklako peke a pestisidio, abono: PFA

BANTAY, Ilocos Sur – Agannad kadagiti nakamotorsiklo a tattao nga agisursursor iti lakoda nga pestisidio ken abono kadagiti barangay, imballaag ti maysa nga opisial ti Pesticide and Fertilizer Authority.

Segun ken ni PFA provincial officer Rey Segismundo, maiparparit ti kastoy a wagas ti panaglako ti pestisidio agsipud iti posibilidad a peke dagiti tagilakoda.

Indagadag ni Segismundo a gumatang dagiti mannalon kadagiti autorisado nga aglako iti pestisidio ken abono nga adda puestoda tapno masigurado a genuine ti ilakoda.#