Footer

Manager ti videoke bar, napaltogan

CANDON CITY – Napaltogan ti manager-akinkukua iti maysa a videoke bar a masarakan iti Barangay Oaig Daya itoy a siudad itay nabiit.

Segun iti report, pinaltogan ti maysa a lalaki a nabigbig laeng iti nagan nga Amor ni Imelda Bello y Mangasar, 34, akinkukua ti 24 Hours Videoke Bar, residente iti Allangigan 1st Candon City.

Iti panagimbestiga dagiti polis, sinurot ti suspek ti biktima iti ipapanna iti comfort room sana pinaltogan daytoy iti namindua.

Naglibas ti suspek a nakalugan iti Honda Wave a motorsiklona idinto a naitaray ti biktima iti ospital para iti panakaagas ti sugatna iti barukong ken rusokna.

Nakakorekobre dagiti polis iti 2 a kapsula manipud iti kalibre 45 iti nakapasamakan ti pammaltog.#

Comments are closed.