Footer

Miss Hawaii Filipina, bumisita iti Pilipinas

HAWAII – Bisitaen ti Miss Hawaii Filipina ti Pilipinas manipud Marso 20 agingga iti Abril 3, 2010.

Paset ti gunggona ni Miss Hawaii Filipina Celina Macadangdang Hayashi ti panagbisitana iti Pilipinas iti panangabakna iti UFCH Fiesta Filipina Scholarship Pageant.

Malaksid ti panagpasiarna iti Metro Manila, sumarungkar ti grupo iti opisina ti Bannawag ken Liwayway ken pasiarenda ti Wowwowee iti ABS-CBN sadanto agpa-Ilokos tapno pasiarenda ti nagramutan dagiti Macadangdang iti Bacarra, Ilocos Norte babaen ti panangsangaili kadakuada ni Mayor Nico De Cruz.

Pasiarento pay ti grupo ti Fort Ilokandia, ti Marcos Museum, Vigan City, Kalibo, Boracay, Marco Polo, Cebu, Mactan, Tagbilaran, ken dadduma pay a lugar iti Pilipinas.#

Comments are closed.