Footer

3 lugan, nagkarambola

GALIMUYOD, Ilocos Sur – Tallo a lugan ti nagkarambola iti kalsada nasional a sakup ti Barangay Patac ditoy nga ili a nakaiyospitalan dagiti nagmaneho ken inlubbonda.

Nagkarambola ti lugan a Dio 2 a minaneho ni Genesis Pawilen, menor de edad; Rusi 125 a minaneho ni Jeffrey Sabaot, 21, residente ti Poblacion Sur, Salcedo a nakilubbonan ni Mary Joy Farel, 19, residente iti Calangcuasan, Salcedo; ken ti Rusi 110 a minaneho ni Ricardo del Rosario, 60, a kasakayna met dagiti annakna a da Marina ken Daisy.

Segun iti inbestigasion, agpadaya dagiti tallo a lugan ket agsikko koma iti kannigid ti chop-chop motorcycle ngem agoberteyk met ti Rusi 125 ket nagsinnapgid dagiti lugan a nakairaman ti Rusi 110.#