Footer

Balasang, nadunor iti panagdungpar ti motorsiklo, van

BANTAY, Ilocos Sur – Nadunor ti ulo ken natukkol ti ima ti maysa a pasahero ti tryasikel gapu iti pannungpar iti nagkurusan ti kalsada ditoy nga ili iti rabii ti Marso 10.

Nadunor ti ulo ken natukkol ti kannawan nga ima ni Janet Patron, balasang, residente iti Ora West, Bantay, Ilocos Sur, pasahero ti traysikel a minaneho ni Juanito Pilien, 49, naasawaan, residente iti San Julian, Bantay, Ilocos Sur gapu iti panagdinnungpar ti luganna ken ti maysa a van a minaneho ni Elbert Obillo, 24, baro, iti nagkurusan ti E. Reyes Street ken Liberation Street a sakup ti Barangay V ditoy siudad.

Segun iti report, agturong ti van iti laud idinto nga agpaabagatan met ti traysikel ngem mapapati nga awan ti nagmenor kadagiti dua iti nagkurusan a puon ti nagdungparanda ken nakaipuruakan ni Patron manipud iti traysikel a naglugananna.#