Footer

Baro, menor de edad, natiliwan nga adda armasda

VIGAN CITY – Maysa a baro ken maysa a menor de edad ti natiliwan dagiti polis nga agikut iti armas idi rabii ti Marso 11 ditoy siudad.

Segun iti report, madama nga agpatpatrolia ti SWAT ken Alert team nga indauluan ni Deputy Chief of Police Maximo Taclas kadagiti pagiinuman iti Jose Singson Street idi idi masiputanda nga adda agdukdukol iti siket ni Jay-R Tapaya, residente iti Barangay Bongtolan ditoy siudad bayat a nakalugan iti motorsiklo ken kalubbon ti maysa a menor de edad.

Idi kapkapan dagiti polis dagiti dua, nakakumpiskada iti ikut ni Tapaya iti cal. 38 a paltik nga addaan iti uppat a bala ken maysa a kutsilio iti menor de edad a kaduana.

Iti pannakaisurat daytoy, maisagsaganan ti kaso maikontra kadagiti dua.#

Comments are closed.