Footer

Ubing nagballasiw, nadungpar

TAGUDIN, Ilocos Sur – Agpada a nadunor ti maysa nga ubing ken motorista iti napasamak nga aksidente iti kalsada nasional a sakup ti Barangay Bitalag daytoy nga ili itay nabiit.

Natukkol ti kanawan nga ima ni SPO1 Asterio de la Paz, naasawaan, polis ditoy nga ili, idinto a nadundunor ni Melissa del Castillo, 12, Grade VI pupil, residente iti Bimmanga, ditoy nga ili ket agpadada a naitaray iti Tagudin General Hospital.

Segun iti report, mapapati a kellaat a bimmallasiw ni del Castillo ket nupay pinadas a liklikan ken nagpreno ni de la Paz, nadungparna latta ti ubing ken puon ti nakatulidan ti motorsiklona a nakatukkolan ti kannawan nga imana.#