Footer

4 tattao, nakasuan iti panaglabsing iti RA 8294

SANTA, Ilocos Sur – Nakasuan iti panaglabsing iti RA 8294 da Jimmy Queddeng, Demmie Surrido, Maria Jesusa Queddeng and Esmeralda Frial, agnaed amin iti Sitio San Jose, Magsaysay District ditoy nga ili.

Nakumpiska ti dua a Gauge 12 Norinco shotgun, maysa a 9mm pistol, maysa a caliber .45 pistol, 2 a magasin ken nadumaduma a balbala iti balay ni Demmie Surrido; magasin para iti caliber 9mm Taurus iti balay ni Jimmy Queddeng; 22 live ammunitions para iti shotgun iti balay ni Maria Jesusa Queddeng; ken maysa nga M16 armalite rifle, maysa a 9mm pistol, teleskopio, magmagasin iti paltog ken nadumaduma a bala iti balay ni Esmeralda Frial.

Negatibo ti resulta ti panagsukisok iti balay ni Isidro Queddeng, Sr.

Indauluan ni Police Supt. Emmanuel H. Reyes, hepe ti Provincial Public Safety Maneuver Company, dagiti polis a nagisayangkat iti panagsukisok.#