Footer

Municipal hall, maileppas iti Abril

SAN JUAN, Ilocos Sur – Manamnama a malpas ti baro a municipal hall daytoy nga ili iti bulan ti Abril.

Kinuna ni Mayor Benjamin Sarmiento nga umalis dagiti amin a pagopisinaan iti baro a pasdek apaman a malpas daytoy.

Kinuna ni Sarmiento a ti municipal trial court ti mangokupar iti daan a municipal building.

Innayon ti mayor a namnamaenna a mapadasan a pagopisinaan ti baro a munisipio sakbay nga umulog iti puestona.

Awan ti kasango ni Bernard Sarmiento, ABC President ken anak ti mayor, iti kinamayor iti masungad nga eleksion.#