Footer

Nadungpar a baket, nagsatan iti ospital

SAN JUAN, Ilocos Sur – Saan a nakalasat ti baket a dinungpar ti motorsiklo iti nakaitarayanna nga ospital idi Marso 14.

Pimmusay iti ospital ni Francisca Asuncion, 82, baak, residente iti Barangay Bacsil ditoy nga ili gapu kadagiti sugatna maigapu iti pannakadungparna iti Honda Wave a motorsiklo a minaneho ni Charles Garcia, 32, baro, residente iti Caraisan, Magsingal, Ilocos Sur.

Segun iti report, kagapgapu ni Asuncion a nakimisa iti Our Lady of Piat iti Barangay Guimod ket mapapati a kellaat a bimmallasiw iti kalsada a puon ti nakadungparan kenkuana ni Garcia.

Naitaray dagiti dua iti Magsingal District Hospital sada naiyalis iti Gabriela Silang General Hospital a pimmusayan ti biktima.#

Comments are closed.