Footer

Pinatakder ti US Balikatan 2010 a pagadalan, inyawat ti U. S. Charge D’Affaires kadagiti lokal nga autoridad

SINAIT, Ilocos Sur – Impaima ni U. S. Charge d’Affaires ad interim Leslie A. Bassett kadagiti lokal nga autoridad ti naipatakder a classroom building iti Teppeng Elementary School iti Barangay Teppeng ditoy nga ili idi Marso 17.

Ni Basset ti kangrunaan a sangaili iti pannakakartib ti laso para iti kabarbaro a classroom a naipatakder babaen ti Balikatan 2010. Kaduana iti simple a seremonia da Rear Admiral Ramon Espera, Commandant of the Armed Forces of the Philippines ken Brigadier General William Faulkner ti United States Marine Corps ken dagiti dadduma pay nga opisial.

Maysa a joint military exercise ti Balikatan 2010 iti nagbaetan ti Pilipinas ken ti U.S. armed forces a mangipaay iti relief ken tulong iti tunggal maysa, iti tiempo ti natural a kalamidad ken dadduma pay a krisis a mamagpeggad iti salun-at ken karadkad ti publiko. Iti panagtuloy ti humanitarian assistance ti U. S. iti Pilipinas kalpasan dagiti makadidigra a bagyo idi 2009, nangipaay ti Philippine ken U. S. military service members iti medical, dental, ken veterinary care ken pannakaipatakder ken pannakatarimaan dagiti pagdalan ken dadduma pay nga inprastraktura kadagiti komunidad a makasapul unay iti tulong agingga iti Marso 19, 2010.

Nasurok a 25,000 nga umili ti natulongan ti nagtipon a puersa ti Armed Forces of the Philippines ken U. S. babaen ti Balikatan 2010 Shoulder to Shoulder for the Benefits of the People.

Segun kada B/Gen. William Faulkner ti U.S. Marines ken Real Admiral Ramon Espera ti Philippine Navy, karaman dagiti naserbian ti grupo dagiti 750 nga ubbing iti Pias ken 600 iti San Jose, agpada a barangay iti Salcedo ken 500 iti Quimmallugong, Sinait; 10,000 nga umili ti natulongan iti medical ken dental missions a nakatamingan dagiti agduduma a sakit, pannakatsek-ap ti mata, dental ken naikkan iti libre nga agas; 3,000 ti nataming dagiti tarakenda nga animal iti veterinary section; ken 8,000 ti naikkan iti luplupot ken stuffed toys iti community relations.

“Makunak a daytoyen ti kaannayasan ken kapintasan a Balikatan a naangay sipud nairugi,” indaydayaw ni Faulkner.#

Comments are closed.