Footer

17 tattao, naglabsing iti election gun ban

BANTAY, Ilocos Sur – Inreport ti provincal police ditoy nga addan 17 a tattao a natiliw ditoy probinsia gapu iti panagsalungasing iti election gun ban.

Iti interbio ti media ken ni Ilocos Sur Police Provincial Director Police Senior Supt. Eduardo Dopale, inreportna a nakasamsamdan iti 12 a nagduduma ti klasena a paltog ken 7 a replica ti paltog bayat ti checkpoint nga impasdekda iti  probinsia.

Ipatpatungpal ti PNP ti election gun ban kas pammilin ti Commission on Elections para iti natalna ken naurnos a panagpipili.#