Footer

Pamilia, nadisgrasia

SANTIAGO, Ilocos Sur. Maysa a pamilia ti nasugsugatan gapu iti disgrasia  idiay Barangay Bulbulala ditoy nga ili itay nabiit.

Nasugatan da Edito Dato, 44, residente iti Dirdirig, Burgos, Ilocos Sur, ti anakda a ni Cute Angel ken natukkol ti kannigid a saka ti asawana a ni Maribel idi sinapgid ti maysa a bus ti naglugananda a motorsiklo.

Segun iti inbestigasion ti polis, kellaat a nagsardeng ti sarsarunuen da Dato a minibus ket agobertek koma uray ti sumarsaruno kadakuada a Florida Bus a minaneho ni Marcelino Saculpao, 43, gapuna a nagsinnapgidda.

Naitaray dagiti biktima iti ospital idinto a simmuko ni Saculpao iti polis.#