Footer

Tribal village, maipasdek

BANAYOYO, Ilocos Sur – Maipasdek ti maysa a  tribal village  ditoy nga ili iti Barangay Elefante a pakaipatakderan ti sangapulo a pagtaengan a pagindegan dagiti sangapulo a pamilia a mangituloy iti tradision dagiti tribu iti kabambantayan.

Naiyussuat daytoy a proyekto babaen ti panangilungalong ni Gobernador Deogracias Victor Savellano a makuna a dap-ayanto dagiti nadumaduma a tribu iti Ilocos Sur.

Dagitoy a pamilia ti mangituloy iti tradision wenno wagas ti panagbiag dagiti tribu kas koma ti panagaramid iti tapey, panaglaga, ken dagiti tradisional a sala ken kankanta, kinuna ni Edil Bliss Castillo, project coordinator.#

Comments are closed.