Footer

Vigan City, nakipagpaset iti Earth Hour

VIGAN CITY – Kas iti napalpalabas, nakipagpaset manen ti siudad ditoy iti Earth Hour a naisayangkat idi rabii ti Marso 27.

Manipud iti alas otso y media agingga iti alas nuebe y media, naiddep dagiti silaw ditoy siudad kas panakipartisiparna iti Earth Hour, maysa a gannuat a mangsalaknib iti Daga iti global warming.

Segun ken ni City Environment and Natural Resources Officer Glen Concepcion, tumultulong ti siudad ti Vigan iti pannakalapped iti pannakarugit ti atmospera ti Daga babaen ti panagmula dagiti kaykayo, di panagpuor kadagiti rugit ken basura ken pannakapukaw dagiti 2-stroke a motorsiklo ket masuktanda iti 4-stroke  tapno maksayan dagiti lugan a naasuk.#

Comments are closed.