Footer

Task Force nabuangay agpalutpot De Gracia killing

STA. MARIA, Ilocos Sur – Maysa a task force ti nabuangay tapno agimbestiga iti pannakapapatay ti maysa a barangay captain iti Barangay Silag ditoy nga ili idi rabii ti Abril 4.

Segun ken ni Police Senior Inspector Jovencio Orbien, hepe ti polis ditoy nga ili ken mangidaulo iti Task force De Gracia, maysa kadagiti anggulo a kitaenda no adda pakainaigan ti pannakapapatay ni Barangay Captain ti Silag Jovencio de Gracia, 47, iti kasona iti napalabas.

Kinuna ni Orbien a sabali pay a kitaenda no adda pakainaigan iti politika ti pammapatay.

Natambang ni De Gracia iti Poblacion ditoy nga ili idi aggawid koman manipud iti maysa a programa nga inatenderanna babaen dagiti di nabigbig a suspetsa a naglugan iti motorsiklo.

Cal. 45 ti paltog a naaramat iti panagtambang.#

Comments are closed.