Footer

66 estudiante, agtrabaho babaen ti SPES

CANDON CITY – Innem a pulo ket innem nga estudiante ti napili nga agtrabaho iti gobierno ditoy siudad babaen ti programa nga Special Program for the Employment of Students (SPES).

Kinuna ni Doris Manzano, HRMO officer ti Candon City a siam laeng kadagiti 75 a nagaplikar ti saan a naawat.

Kinuna ni Manzano a naisayangkat ti orientation dagiti estudiante nga agtrabaho idi Abril 15 ket mangrugida nga agtrabaho iti city hall inton Abril 19. Agsueldo dagitoy iti P230 iti inaldaw iti unos ti 26 nga aldaw.

Segun ken ni Manzano, adda counterpart ti city government a P240,000 iti daytoy a programa ti LGU babaen ti pannakitinnulong ti Department of Labor and Employment.#

Comments are closed.