Footer

Botika ti barangay, nakumpleton iti Vigan City

VIGAN CITY – Kumpleton ti botika ng barangay ditoy a siudad, daytoy ti impakaammo ni Vice Gov. Jeremias Singson itay nabiit.

Segun iti bise gobernador, idi damo 19 laeng dagiti barangay ti nagsanay agsipud ta addan naipasdek a botika dagiti 20 pay a barangay ti siudad ngem nakipatang ni Mayor Eva Marie S. Medina a  kayatna a mangabaruanan dagitoy 20 barangay tapno mairamanda a mabenepisiaran iti daytoy a programa ti national government.

Kinuna ni Singson a nagsanayen dagiti 20 a barangay ket nairamanda a nawarasan kadagiti ag-agas para iti naipasdek a botika ti barangay ti siudad.

Agpateg iti P25,000 dagiti ag-agas a maited kadagiti botika ti barangay.

Addan 20 nga il-ili ditoy probinsia a naipasdekan iti botika ti barangay, kinuna ni Singson.#