Footer

Pagtaengan, nauram

CABUGAO, Ilocos Sur – Maysa a pagtaengan ti nauram iti Barangay Baclig ditoy nga ili itay nabiit.

Segun iti report, nauram ti balay ti maysa a lalaki nga agnagan iti Michael Jay Santella a mapapati a nakainom ken nagibarbarsak iti botelia sakbay ti uram.

Nagramaramen ti apuy idi makadanon dagiti bumbero iti yan ti uram.

Nairana a limmabas iti highway a sakup ti nadakamat a barangay ni Senior Fire Officer Marlon Quebral, BFP chief ditoy ket isun ti nagbilin iti yaarayat dagiti bumbero.

Iti pannakaisurat daytoy, birbiroken dagiti polis ni Santella tapno ilawlawagna no ania ti nakaigapuan ti pannakauram ti balayna.#

Comments are closed.