Footer

84 lallaki, benepisario ti Operation Tuli

CAMP BGEN OSCAR M FLORENDO – Walupulo ket uppat a lallaki ti nakugit iti Concord Building ditoy idi Abril 16 babaen ti initiatibo ken panangesponsor ti police regional office ditoy ken iti koordinasion ti PRO1 Officers Ladies Club.

Ti Officers Ladies Club ti nagidonar kadagiti medisina ken suplay para iti nasao a panagkugit nga insayangkat dagiti doktor ken medical personnel iti panangidaulo ni Police Supt. Cesar Estrella, hepe ti PRO1 medical dispensary a nakabenepisiaran dagiti 84 lallaki nga agedad manipud iti 7 agingga iti 16.

Presente ken nangted suporta iti nasao nga aktibidad da General Constante D. Azares, Jr., ti asawana a ni Maria ken dagiti annakda a da Maria Melecia Flor and Adrian Constantine.

Sabali pay nga anakda, ni Maria Nadejda Azares, registered nurse a nagturpos iti University of British Columbia ti aktibo a nakipaset iti libre a panagkugit.#

Comments are closed.