Footer

Agama, natay iti pannungpar

GALIMUYOD, Ilocos Sur – Dua ti natay idinto a nasugatan iti innem idi nagdinnungpar ti maysa a traysikel ken delivery truck iti Barangay Calongbuyan ditoy nga ili itay lawasna.

Natay dagiti agama a  Ronaldo Peralta, 46, ken Mishabell Joy, 10, agpada a residente iti Poblacion Sur, Salcedo, Ilocos Sur idinto a nasugatan da Florita Peralta, 43, asawa ti biktima, ti anakna a ni Fatima, 16, Vicencia Benille, 2, ken da Adelina Salve, 60,  residente iti Barangay Balidbid, Salcedo, Jennifer del Rosario, residente iti Barangay Amguid, Candon ken Chessa Ballocanag, 18, residente iti Barangay Nagsingcaoan, ditoy nga ili.

Iti pakpakauna a report, napasamak ti panagdungpar ti traysikel a minaneho ni Ronaldo ken ti Izuzu delivery truck a minaneho ni Rudy Tajon, Jr., 32, residente iti Laoag City, iti pagsikkuan a paset ti kalsada a sakup ti Barangay Calongbuyan.#

Comments are closed.