Footer

Agtawen iti tallo nga ubing nadungpar

CANDON CITY – Nadungpar ti maysa nga ubing iti motorsiklo iti sanguanan ti paglakuan iti kalamay ditoy siudad a puon ti nakayospitalan daytoy.

Naitaray iti ospital ni Hadji (parbo a nagan), 3, gapu iti panangdungpar kenkuana ti XRM a minaneho ni Rodolfo Landingin, Jr., 28, residente iti Santa Cruz, Zambales.

Iti inisial nga inbestigasion dagiti polis, agay-ay-ayam ti ubing iti sango ti kalamayan ket nagtaray a nagpakalsada a puon ti nakasapgidanna iti lumabas a motorsiklo.

Nagsagrap ti ubing iti dunor iti ulo ken sakana.#

Comments are closed.