Footer

Earth Day: agtuturay, empleado, nagmula iti kayo iti pagbasuraan

SAN ESTEBAN, Ilocos Sur -Kas pannakipagmaymaysada iti Earth Day, nangisayangkat dagiti opisial ditoy nga ili ken dagiti empleado iti panagmula iti kayo itay lawasna.

Indauluan ni Mayor Chester Elaydo dagiti agdagup iti 40 nga empleado ti munisipio ditoy agraman dagiti student laborers iti babaen ti Special Program for the Employment of Students ti panagmula iti kaykayo iti pagbasuraan iti sitio Bigbiga, Barangay San Nicolas ditoy nga ili.

Insayangkat dagiti opisial ti nasao a gannuat kas pannakipasetda iti Earth Day, maysa a nainlubongan a gannuat tapno mapataud ti awareness ken panangilala iti aglawlaw ti Daga.#