Footer

4 bakla, nasugatan iti aksidente

SANTIAGO, Ilocos Sur – Uppat a bakla ti nasugatan idi dinungparda ti kutit ti maysa a bus iti national highway a sakup ti Barangay Dan-ar ditoy nga ili.

Naitaray iti ospital da Oscar Balagot, addaan naan-anay nga edad, residente iti San Juan, Candon City, Ferdinand Cabilan, maysa a medtech, Wancho Gutierez, ken Leonard Rodriguez, agpapada a residente iti San Jose, Candon City.

Iti inisial nga inbestigasion ti polis, mapapati a nagsardeng ti Viron bus a minaneho ni Epifanio Nillo, residente iti Nagsabaran Norte, Balaoan, La Union tapno mangilugan iti pasahero ket dinungpar ti L200 Mitsubishi pick-up a minaneho ni Balagot ti kutit ti bus.

Nakaro ti dadael ti sungo ti pick-up.#

Comments are closed.