Footer

74 a pamilia iti I. Sur, naikkan tulong pinansial

VIGAN CITY -Pitopulo ket uppat a pamilia manipud iti siam nga ili iti Ilocos Sur a dinidigra ni Bagyo Pepeng idi Oktubre 2009 ti naikkan iti tulong pinansial babaen ti Department of Social Welfare and Development Regional Office I idi Abril 21.

Karaman kadagiti benepisiario ti 20 a pamilia iti Narvacan, 16 a pamilia iti Cabugao, 11 a pamilia iti Candon City, 8  a pamilia iti Sinait, 6 a pamilia iti Sta. Lucia, 6 a pamilia iti Sto. Domingo, 3 a pamilia iti Nagbukel, 3 a pamilia iti Burgos ken 1 a pamilia iti San Vicente.

Naikkan dagiti tunggal pamilia a benepisario iti P6,000 para iti pannakasimpa dagiti pagtaenganda ken P900 a panangdanda wenno  iti pakadagupan amin a P510,600.

Inwaras ti DSWD babaen ti panangirepresentar ni Mylene Lucero ti pinansial a tulong kadagiti biktima ti bagyo.

Naikkan met iti pinansial a tulong ti 741 a pamilia manipud iti lima nga ili iti la Union a dinidigra ti Bagyo Emong ken 370 a pamilia manipud iti Pangasinan a naapektaran ti Bagyo Pepeng.

Kas iti Ilocos Sur, immawat met dagiti biktima iti P6,000 a para iti pannakasimpa ti balayda ken P900 a panangdanda.#

Comments are closed.