Footer

Balota para iti eleksion , naipaaywan iti obispo ti Abra

BANGUED, Abra – Naidulin dagiti balota ken election paraphernalia para iti daytoy a probinsia iti ayan ni Abra Bishop Leopoldo Jaucian.

Immannugot ti obispo a maipan iti pagtaenganna dagiti balota ken election paraphernalia agingga iti eleksion ditoy kas kiddaw ni Provincial Election Supervisor Vanessa Roncal.

Maidulin dagiti nasao a balota ken paraphernalia agingga a maipanda kadagiti clustered a pagbutosan a presinto iti probinsia.

Karaman ti Abra kadagiti probinsia a masipsiputan gapu kadagiti pammapatay ditoy a nainaig iti politika.#