Footer

Lalaki, natiliwan nga adda paltogna

NARVACAN, Ilocos Sur – Maysa a lalaki ti tiniliw dagiti polis ditoy gapu iti panagikutna iti paltog.

Segun iti report, pinasardeng dagiti polis ti Partas bus iti checkpoint iti sanguanan ti police station ditoy gapu ta adda tip a naawatda a maysa a lalaki a nakasabbikel iti armas ti limmugan iti nasao a bus a naggapu iti Laoag nga agpa-Baguio.

Nakakumpiska dagiti polis iti cal. 45 nga addaan iti walo a bala iti panagrikisada ken ni Edgardo Talbo, 33, naasawaan, mannalon, residente iti Barangay Biao, Santa Maria, Ilocos Sur.

Napilaanen iti kaso nga illegal possession of firearm ken ammunition ken panaglabsing iti election gun ban maikontra ken ni Talbo.#

Comments are closed.