Footer

Suspetsa iti pammaltog, napilaan iti kaso

MAGSINGAL, Ilocos Sur – Napilaanen iti kaso ti suspetsa iti pammapatay iti sanguanan ti maysa a gasolinaan iti Barangay Sta. Monica ditoy nga ili idi rabii ti Abril 15.

Nakasuan iti murder iti provincial prosecutor’s office ni Joseph Alcansares, taga-Bangued, Abra gapu iti panangpapatayna ken ni George Unista, 38, naasawaan, residente iti Barangay Patong ditoy met laeng nga ili.

Maipalagip nga umin-inom ti suspek iti sanguanan ti gasolinaan idi immasideg ni Unista ket mapapati a nagsubangda iti suspek a puon ti nangpaltogan daytoy iti biktima.

Segun iti polis, adda diperensia ti panunot ti biktima ket naipaagas payen iti maysa a mental hospital iti Baguio City.#