Footer

Mannalon, napapatay gapu iti taraken a baka

SAN EMILIO, Ilocos Sur – Maysa a mannalon ti nagudas gapu iti riri iti taraken a baka ditoy nga ili itay nabiit.

Nabigbig ti biktima a ni Antonio Divina, 67, naasawaan, residente iti Barangay Sibsibo, Banayoyo, Ilocos Sur idinto a nainaganan ti suspek a ni Romeo Pescador,  47, naasawaan, residente iti Bannuca, Lidlidda, Ilocos Sur.

Segun iti report, saan a mapnek ni Divina iti panangtaraken ni Rodrigo Pescador, kabsat ti suspek, ti bakana ket kayatnan a pasublien ti baka ket nagsubangda iti suspek.

Mapapati a nangasut ti biktima ket tinagbatna ti suspek a nakasugatan daytoy. Immarayat ni Rodrigo ket kinamat dagiti agkabsat ti biktima. Idi maipiskotda, tinagtagbat ti suspek ti biktima a nagsagrapan daytoy iti sugat iti ulona ken bagina a puon ti nakatayanna a dagus.

Naglibas dagiti agkabsat kalpasan ti pannagbat ket birbiroken ida dagiti polis.#